UTATA UNAOGUBIKA PROSPECTUS MPYA YA MWAKA 2014/15

YAH: TAARIFA JUU YA MASWALA YA PROSPECTUS NA MATOKEO.

Ndugu wanamuhasso,

Hivi karibuni kumekuwa na maswali mengi juu ya prospectus yetu na matokeo ya mitihani yetu ya mwisho wa Semista ya pili na hivyo kuleta mkanganyiko miongoni mwetu.

MUHASSO, kupitia ofisi ya Rais na wizara ya elimu na viongozi wa Shule  tano zilizopo inaendelea kulishughulikia  hili na itatoa majibu yake kwa ufafanuzi zaidi kila mara baada ya kila kikao/vikao kuisha  katika levo zifuatazo,nazo ni:-

1: Shule [School boards]

2: Seneti ya wanafunzi wa digrii [SUEC]

3: Seneti kuu [University Senate].

Mpaka leo hii 24/8/2015, ni shule mbili zilizokuwa zimekaa vikao vyake na kupitisha matokeo yalio na utata na shule ya uuguzi kubandika matokeo hayo yaliyoibua maswali lukuki  miongoni mwetu.

Hivyo,sisi kama  MUHASSO tunawasihi  tuwe wastahimilivu  kwa siku kadhaa ili kuruhusu  shule zingine kupitisha matokeo yao na hatimae kuweza kupata   matokeo ya pamoja, na hapo baadae sisi kama  MUHASSO kutoa taarifa zaidi juu ya matokeo na utata uliopo katika prospectus yetu.

Pia , ifahamike kuwa MUHASSO imekuwa ikilihoji swala hili toka lilipoanza kuleta madhara kwetu mwezi February,2015 na kuliandikia waraka wa maombi na mapendekezo ya wanafunzi ili japo lisitumike kama lilivyo ili kuepusha ukomo wa  masomo [Discontinuation] kwa baadhi ya wanafunzi ambao kwa namna moja amanyingine hawakua na ufahamu juu ya kipengele kipya ndani ya Prospectus.

Serikali hii inaendelea kwa ukaribu kulifuatilia hili swala,hasa  kwa kulihoji na kushinikiza kuibua mijadala katika vikao vyote tunavyokuwa na uwakilishi wa wanafunzi huko. Yeyote atakae ona matokeo yake kisha akaona utata au kutoridhika awataarifu viongoz wake wa shule husika mapema mapema zaidi ili na sisi tuweze kulifuatilia mapema na kwa uzito linalostahiki.

Mwisho, tunawashukuru  viongozi wa ofisi kuu, wizara ya Elimu na viongozi wa Shule kwa utumishi wao katika hatua zote za kulitafutia ufumbuzi tatizo hili.

Kwa niaba ya MUHASSO, tunazidi kuwatakia likizo njema na afya njema popote  mlipo.

Imetolewa na:
Wizara ya Habari ,Kwa niaba ya ;
OFISI YA RAIS,MUHASSO